У яшчэ цёплыя восеньскія дні дачнікі і сельскія жыхары наводзяць парадак на прыдамавой тэрыторыі і прысядзібных участках, спальваючы сухую траву і смецце.

Варта памятаць, што сухастой - лёгкагаручы матэрыял і здольны ўспыхнуць нават ад невялікай іскры. А пры малаважным ветры агонь хутка распаўсюджваецца на велізарныя тэрыторыі, пакідаючы за сабой чорную пустэчу.

Нярэдка полымя пераходзіць на лясныя масівы і можа прыняць пагрозлівыя памеры. Вельмі часта ад палаючай травы загараюцца жылыя дамы, гаспадарчыя пабудовы, а часам і гінуць людзі.

Ратавальнікі нагадваюць, што выпальваць сухую расліннасць катэгарычна забаронена. Пры навядзенні парадку не варта забываць правілы пажарнай бяспекі. Смецце трэба вывозіць у спецыяльна адведзенае месца. Калі без спальвання не абысціся, абярыце пляцоўку так, каб выключыць магчымасць узнікнення пажару. Паліць адходы можна толькі ў зацішнае надвор'е, а полымя пастаянна кантраляваць. Месца для вогнішча выбірайце далей ад будынкаў, легказгараючых канструкцый і лясоў. Пляцоўку абкапайце і трымайце пад рукой рыдлёўку, вогнетушыцель ці вядро з вадой. Пасля заканчэння спальвання смецця, падпаленыя матэрыялы варта патушыць да поўнага спынення тлення.

Беражыце сябе і сваіх блізкіх!

Мастоўскі РАНС