На жаль, дзіцячае свавольства з агнём застаецца адной з прычын узнікнення пажараў. З мэтай зніжэння колькасці надзвычайных сітуацый з удзелам дзяцей работнікі МНС у чарговы раз нагадваюць асноўныя правілы пажарнай бяспекі:

- не пакідайце запалкі ў даступным для дзяцей месцы;

- не даручайце дзецям распальваць печы, газавыя пліты, самастойна ўключаць электрабытавыя прыборы;

- Сачыце, каб дзеці не распальвалі вогнішчы;

- сыходзячы з дому, не пакідайце малалетніх дзяцей без нагляду;

- будзьце прыкладам ва ўсіх сітуацыях, звязаных з захаваннем правіл пажарнай бяспекі;

- арганізуйце дзіцяці цікавы вольны час;

- навучыце дзіця правільным дзеянням пры пажары (дзіця павінна неадкладна пакінуць памяшканне, паведаміць аб пажары дарослым або ў пажарную службу па тэлефонных нумарах 101 або 112).
Вельмі важна, каб дзеці запомнілі гэтыя парады. Асабістым прыкладам вучыце іх выкананню правіл пажарнай бяспекі. Толькі з клопатам аб дзецях мы зможам папярэдзіць пажары з-за дзіцячага свавольства з агнём.

Мастоўскі РАНС