Новы год самае любімае, добрае, казачнае свята, якое чакаюць у кожнай хаце, у кожнай сям'і. Новы год - заўсёды чаканне цуду, чароўных ператварэнняў, прыгод і дзіўных змен.

   З 26.12.2022 г. па 30.12.2022 г. у нашым дзіцячым садку праводзіліся навагоднія ранішнікі пад кіраўніцтвам музычнага кіраўніка, выхавальнікаў дзіцячага сада.

   Новы год - час выканання запаветных жаданняў, і для дзяцей чаканне навагодняга свята звязана з прадчуваннем чараўніцтва ад сустрэчы з Дзедам Марозам і Снягуркай, чакання падарункаў. Атмасфера свята панавала ў дзіцячым садзе ўвесь пераднавагодні тыдзень, і праведзеныя ранішнікі акунулі ўсіх у казку.

   Выхавальнікі, якія ўдзельнічалі у навагоднім паказе праявілі сябе добрымі акцёрамі, паказаўшы ўсё сваё творчае майстэрства, артыстызм, запал і арганізатарскія здольнасці.

   Дзеці змаглі акунуцца ў святочную атмасферу прыгод, паўдзельнічаць у цікавых конкурсах. Са з'яўленнем Дзеда Мароза пачалося сапраўднае свята з песнямі і танцамі, карагодамі каля прыгожай навагодняй  ёлкі.

  Святы прайшлі вельмі весела і цікава. Дзеці з задавальненнем прымалі ўдзел ва ўсіх конкурсах, выконвалі вельмі шмат песень і танцаў, як сапраўдныя артысты пераўвасабляліся ў розных герояў казак.

  Жарты, песні, танцы, вясёлы смех гучалі ў гэтыя святочныя дні.                       

  Кульмінацыяй свята сталі доўгачаканыя падарункі ад Дзеда Мароза!